Skip to content

الشاعر / عبد الله الحنتوشي / مغمور

فبراير 22, 2012

شاعر مغمور

مغمور ولالي معجبين وجماهير
محدود وضيق بالنطاق ومجاله

فقير واملك راس مال الهوامير
ما ارغب اتاجر في رصيدي وماله

ما ابيع واشري في شعور وتعابير
واحساس فطرة من عظيم الجلالة

قنوع ولا اقبل بالشعر اي تسعيير
لان المشاعر ملك ذات وحلاله

خلطة بنات افكار موقف وتحظير
نظرة قرينٍ وصاغ فيها الجزالة

يعني ما جاب الشعر صفنة وتفكير
وان كان ينقل عرق بين السلالة

شفرة مشاعر تشفر بزود تشفير
شفرة وتصعب فكها في سهالة

يشبه جنوني باختلاف المعايير
يصبح ذهانة والذكاء له دلالة

رحت ورجعت ولاحصل اي تغيير
وان كان غيري الله اعلم بحاله

راعي محل وصرت مثل المسايير
عنده ولا ادري وشهو صار وجراله

سالم رجعت وصرت بالموقف الزير
راجع يدور شي مبطي سعاله

كانه ينازل ثار دمه مع الغير
انا بثارٍ لجل حبي نزاله

وان كان حربه ساس ناقة مع بعير
وجبير اصبح ثار شسعة نعاله

اجل شسوي لجل سيد الغنادير
ما راح بقبل لو هو مية بداله

لوجن قلبي هالعذارى طوابير
البيض يمنى والسمر في شماله

نجوم وجنب الشمس تطفي ولا تنير
منهو بمثله شمس ويعكس ضلاله

لذا رجوعي حب غاية وتبرير
جدال حب وجيت ابنهي جداله

ارمي بدلوي شوق فيني على البير
مشتاق وحبل البير يرسل وصاله

جيت متولع حب حشمة وتقدير
جيت متلهف فيك وعندي رسالة

موقف غياب وفيه ابشرح معاذير
والبعد مات وعمر حبك حياله

رجعت اجدد ما تركته على خير
راجع وادور منهو قلبي صفاله

رجعت وفيني من خيالك وتصوير
والفكر ليته معك يطبق خياله

رجعة تترجم من رواية إلشكس بير
وانسج خيال الفكر والي وحاله

باحداث موعد معك لمحة وتأثير
والي شكاه القلب والي شقاله

رجعت لاخر جزء رافض لتأخير
حلقة تدور بفكر عاشق وباله

حس وتفلسف منه رايق تصاوير
لذا بقلبك شي وبعرف مناله

فرصة اخيرة دون خيرة وتخيير
اما جميع واما كلٍ لحاله

لو ماتبيني شي عادي ولا يضير
ولا هو بأول صعب ساقي رقاله

لانك وحيدة مافي غيرك جماهير
ولا المدرج راح يضحك لحاله

مغمور وياما بالقصايد مغامير
يبقالي راس المال شعر وجزالة

الشاعر / عبد الله الحنتوشي
مغمور

About these ads

From → Uncategorized

اكتب تعليقُا

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s

تابع

Get every new post delivered to your Inbox.

%d bloggers like this: